Në fjalën e tij në Kuvend, deputeti socialist Erion Braçe, teksa fliste për korrupsionin, u shpreh se është i shtrirë gjerësisht në sektorin publik.
“A ka korrupsion në këtë vend? Po ka. Madje është i përhapur deri në kufijtë e kulturës për të bërë para përtej rrogës. Ka në sektorin publik korrupsion po aq sa ka edhe në sektorin privat. A është korrupsioni sot më i madh se sa 10 vite më parë? Këtu ndahen një pjesë thotë që po, një pjesë thotë që nuk është i tillë. 10 vite më parë vidhej lehtë edhe më një certifikatë, por vidhej edhe me risk edhe me rrezik të lartë, kur demontoheshin predha të kalibrave të ndryshëm. Deri 10 vite më parë, nafta si sektor u dorëzua klientelisht në çdo vendburim deri në përpunim. A është më i përgjakshëm korrupsioni tani se 10 vite më parë? Mendojeni njëherë. Pushteti i asaj kohe solli një korrupsion të përgjakshëm”, tha Braçe.