Zv.kryeministri Erion Braçe ka deklaruar në emisionin Open në Top Channel se prokurori që ka marrë në dorë dosjen 339 dhe kë shpërndarë një pjesë të saj në media është Besim Hajdarmataj. Braçe tha se ky i fundit nuk e ka hetuar materialin që ka marrë nga policia dhe prokurori i Kavajës Anton Martini.
I pyetur nga moderatorja Eni Vasili në lidhje me përgjegjësinë politike të mazhorancës, Braçe ka reaguar ashpër duke sulmuar prokurorët, të cilët sipas tij kanë prodhuar CD mbi dosjen 339 dhe i kanë mbajtur në xhep për t’u mbrojtur nga hetimi.
Gazeta gjermane ‘Bild’ publikoi ditën e djeshme biseda mes Astrit Avdylajt, njëri nga anëtarët e bandës së Shijakut dhe kryetarit të bashkisë së Durrësit Vangjush Dako por edhe me disa zyrtarë të tjerë.