Presidenti Ilir Meta vlerësoi me Titullin “Kalorës i Urdhrit të Flamurit” Gjimnazin “Petro Nini Luarasi”, me rastin e 60-vjetorit të krijimit.
Gjatë një ceremonie të veçantë të zhvilluar sot paradite, Kreu i Shtetit i dorëzoi drejtoreshës së kësaj shkolle të mesme kryeqytetase, zonjës Teuta Braçaj, dekoratën e lartë: “Në shenjë mirënjohjeje me rastin e 60-vjetorit të themelimit, për veprimtarinë e çmuar arsimore, si dhe për edukimin dhe kultivimin e vlerave morale e njerëzore të brezave të rinj, duke i bërë shembull të qytetarisë në shoqëri”. Por ajo që bie në sy janë edhe nxënësit që janë ulur në bankat e kësaj shkolle. Të pranishme në ceremoninë e sotme ishin edhe bashkëshortja e kryebashkiakut Erion Veliaj, Ajola Xoxa si dhe Erisa Xhixho.
Këto dy të fundit nuk kanë hezituar që të bëjnë edhe një foto sëbashku duke qeshur, ndonëse bindjet politike i ndajnë. /tirananews.al
