Ish-zëvendës drejtori i Policisë së Tiranës, Erzen Breçani, tha se Ardi Veliut i është kërkuar dorëheqja nga kryeministri Edi Rama.
“Nuk është dorëheqje, por i është kërkuar dorëheqje. për dorëheqjen ka një rregullore, ai ka një mandate 7 vjeçar. Nëse për arsye shëndetësore apo arsye të tjerë, jep dorëheqjen dhe a ja pranon apo jo Ministri dhe Kryeministri. Nuk jemi në kushtet që ai ka një arsye të fortë shëndetësore apo familjare. Në këto hipoteza bie poshtë kërkesa për dorëheqje, atë e kanë heq nga detyra. kemi dy paralelizima: Ministri dhe Kryeministri thonë se ka bërë punë shembullore, nga ana tjetër dorëhiqet. Veliu kur ka marrë mandatin e ka ditur që nuk do të jetë gjithmonë pranë familjes”, tha Breçani për Ora News.
Për Breçanin, se letrat e dorëheqjes janë skemë që ka gjetur Rama sa herë do që të largojë nga posti një person.
“Kjo është skemë e re që përdor Kryeministri sa herë që do të heq një njeri. Për ta hequr për shkelje në detyrë, për luftën e korrupsionit, tregon një dobësi dhe një karakter jo të fortë”, tha Breçani.