Policia e Tiranës ka hedhur poshtë denoncimet se i riu Andrea Bregu është në gjendje të rëndë shëndetësore në komisariatin nr.1 pas arrestimit në protestë. Në një sqarim zyrtar, Policia e Tiranës shkruan se Bregu është arrestuar dy ditë më parë dhe ende po mbahet në komisariat pasi akuzohet për disa vepra penale.
Përsa i përket gjendjes së tij shëndetësore, Policia shton se ai ndodhet në gjendje shumë të mirë shëndetësore dhe se kjo gjë sapo është rikonfirmuar nga mjeku dhe në prezencë të dy përfaqësuesve të avokatit të popullit.