Pedagogu i Letërisë, Agron Gjekmarkaj i ftuar në emisionin “Real Story” në “News 24”, duke folur për provimin e Gjuhës dhe Letërsisë të Maturës Shtetërore deklaroi se testimi ishte fyerje për gjuhën, pa kuptim e pa sens.
Gjekmarkaj u shpreh se disa profesorë letërsie dhe gjuhe kanë argumentuar se 30 pyetje të testit ishin pa logjikë.
“Unë mendoj që është gabuar në formulim, është gabuar në konceptimin e testit dhe në mënyrën si kërkohet nga maturantët të japin dijet e tyre. Është transformuar gjuha shqipe. Korrigjimi dixhital është i ftohtë në interpretimin e gjuhës dhe letërsisë.
Mendoj se këta studentë nuk e kanë merituar këtë test. Edhe gjuhëtari Ardian Vehbiu thotë se kjo e Turit është fyerje për gjuhën. Po ashtu profesoresha e letërsisë Dhurata Shehu nxjerr së paku 30 pyetje me gabime logjike. Edhe profesorë të tjerë kanë dhënë kritikat e sakta. Testi ishte një gjë pa kuptim, pa sens”, tha Gjekmarkaj.