Mbrëmë Lindita Nikolla bëri me dije se nuk do të jetë më në krye të Kuvendit, dhe kanë nisur të diskutohen emrat se kush do të jetë potencialisht pasuesi. Në PS sa vjen e ngushtohet rrethi i atyre të cilëve Edi Rama do t’i besojë drejtimin e Parlamentit.
Më herët u fol për kandidaturën e mundshme të Elisa Spiropalit, por gjatë orëve të fundit është duke u artikuluar edhe kandidatura e Bledi Çuçit. aktualisht kreu i grupit parlamentar të PS-së.
Megjithatë, do të jetë Edi Rama, ai i cili mund të preferojë ta anonçojë emrin e kryetarit të ri të parlamentit gjatë kongresit ditën e nesërme. Sikurse vlen për t’u theksuar se Edi Rama shquhet për surpriza të minutës së fundit. Ethet brenda PS -së se kush do të jetë kryetari i ri i Kuvendit kanë nisur.