Gara televizive e mbrëmjes së enjte duket se do të jetë jo vetëm dinamike në sferën e zhvillimeve, por edhe sfiduese për kanalet kryesore në vend.
Edhe në këtë sezon, emisionet politike do të mbajnë shqiptarët pas ekranit me debate dhe analiza për çështjet më të nxehta që do të shoqërojnë aktualitetin.
Në betejat për audiencë, do të përplasen mediatikisht emisioni “Now me Erla Mëhillin në EuroNews”, “Open” të gazetares Eni Vasili në News 24, “Opinion” të gazetarit Blendi Fevziu, “Top Story” të gazetarit Sokol Balla, si dhe “Të paekspozuarit” të gazetarit Ylli Rakipi.