Europiani 2024 vijoi me ndeshjen e Grupit D. Në “Olimpiastadion” Austria fitoi 1-3 kundër Polonisë, duke i shkaktuar polakëve humbjen e dytë në kaq ndeshje.
Skuadra e Rangnick zhbllokoi ndeshjen me Trauner pas nëntë minutave me kokë, duke i dhënë epërsinë Austrisë. Pas golit të pësuar skuadra polake shtoi sulmet dhe ia doli që të barazonte me Piatek në minutën e 30-të.
Në pjesën e dytë Polonia kishte disa raste të pastra, por pa mundur të shënonte. Në këtë moment në lojë u fut rregulli i pashkruar, “kur nuk shënon do pësosh” dhe austriakët gjetën golin e epërsië me Baumgartner në minutën e 66-të.
Ndërkohë që duhej Arnautovic në minutën e 78-të nga pika e bardhë e penalltisë për të “vulosur” shifrat në 1-3. Tanimë Austria me tri pikë barazon Francën dhe Holandën në këtë kuotë pikësh, duke lënë Poloninë në fund me zero të tilla. Sot në 21:00 luhet dueli tjetër për këtë grup, ai mes Holandës dhe Francës.
Formacionet zyrtare:
Poloni: Szczesny, Kiwior, Dawidowick, Bednarek, Zalewski, Slisz, Zielinski, Piotrowski, Frankowski, Buksa, Piatek.
Austri: Pentz, Posch, Lienhart, Trauner, Mwene, Seiwald,Grilltch, Sabitzer, Laimer, Baumgartner, Arnautovic.
