Trajneri i Spanjës, Luis de la Fuente përballet me disa orë ankthi para sfidës gjysmëfinale të Euro2024 me Francën. Përpara këtij dueli të 9 korrikut në Mynih, ai do të detyrohet të bëjë ndryshime për shkak dëmtimesh dhe pezullimesh.
Me Dani Karvahal, Robin lë Normand dhe Pedri të sigurtë që do mungojnë ndaj “gjelave”, në dyshim janë edhe mesfushorët, Dani Olmo dhe Fabian Ruiz.
Loja e ashpër ndaj Gjermanisë ka ngritur shqetësim në kampin spanjoll, me teknikun De La Fuente që mund të bëj llogaritë edhe pa këtë dyshe.
Më pak shqetësime ka prodhuar autori i golit të parë kundër Panserave, me Olmon që duket se do e ketë më të lehtë për tu rikuperuar, ndërsa vendin e Ruiz do e merrte heroi i Spanjës, Mikel Merino.
Në rast se hidhet në fushë nga minuta e parë, për mesfushorin do ishte takimi i dytë si titullar pas asaj ndaj Shqipërisë në fazën e grupeve.