Pas një jave me rritje monedhat e huaja kanë humbur pikë kundrejt lekut. Euro ka bërë kthese pas një jave me rritje të fortë duke e nisur javën me rënie.
Sipas kursit zyrtar të Bankës së Shqipërisë një euro po këmbehet gjatë së hënës me 109,67 lekë duke humbur gati një pikë në krahasim me fundin e javës së kaluar.
Euro fitoi pikë me ritme të shpejta gjatë javës së kaluar duke prekur nivelin më të lartë në tre muajt e verës.
Po ashtu edhe dollari ka pësuar një zhvlerësim me gati 1 pikë dhe aktualisht po shkëmbehet me 101 lekë.