Zhytësi profesionist Emiliano Pescarolo u prek nga koronavirusit në Mars dhe kaloi 17 ditë në spital në qytetin italian të Gjenovës përpara se të dilte prej andej në 10 prill, në dukje i shëruar.
Problemi, thotë CNN, është se mbi tre muaj më vonë, 42-vjeçari ende kishte vështirësi në frymëmarrje. “Pas kthimit në shtëpi, edhe pse kishin kaluar disa javë nuk shihja përmirësim. Sapo bëja ndonjë shëtitje të vogël, lodhesha sikur t`i isha ngjitur Everestit. Mbetesha pa frymë edhe vetëm duke folur. Isha shumë i shqetësuar,” thotë ai. Pescarolo është një nga dhjetëra pacientë të mëparshëm Covidi, të cilët janë duke marrë trajtim në një klinikë rehabilitimi në Gjenovë, dhe vetëm tani po shoh përmirësime. Për pjesën më të madhe të Evropës, piku i sëmundjes, tashmë konsideruar i kaluar. Por ndërsa spitale nuk mbushen më me raste akute, ka mijëra njerëz të konfirmuar si të prekur apo edhe të dyshuar se kanë qenë të infektuar me Covid, të cilët javë apo edhe muaj më vonë, janë ende larg shërimit të plotë.
“Njerëzit po përpiqen të menaxhojnë ato që duket se janë efektet afatgjata të një virusi që mbetet në masë të madhe i panjohur”, thotë CNN. Autoritetet shëndetësore në Mbretërinë e Bashkuar dhe Itali, dy nga vendet europiane më të goditura nga pandemia, kanë nisur të ofrojnë shërbime rehabilitimi për të mbijetuarit e Covid-19. Dhe ka të ngjarë që këto shërbime të shtrihen edhe më shumë sepse studimet tregojnë se kjo është një sëmundje me spektër të gjerë goditjeje, pasi mund të dëmtojë jo vetëm mushkëritë, por edhe veshkat, mëlçinë, zemrën, trurin dhe sistemin nervor, lëkurën dhe traktin gastrointestinal.