Eintracht dhe Barcelona barazuan 1-1 në Deutsche Bank Park në ndeshjen e parë çerekfinale të Europa League. Skuadra nga Frankfurti ishte shumë më e rrezikshme në pjesën e parë, ndonëse Barcelona dominonte në zotërimin e topit. Megjithatë, në 45 minutat e para të ndeshjes nuk pati gola.
Vendasit kaluan në avantazh në minutën e 48-të me supergolin e Knauff, ndërsa Torres e shpëtoi Barcelonën nga humbja me gol në minutën e 66-të. Vlen të theksohet se Eintracht luajti me një lojtar më pak në 20 minutat e fundit për shkak të përjashtimit të Tutas, por katalanasit nuk arritën të përfitojnë dhe të arrijnë në fitore.
Në ndeshjen mes West Hamit dhe Lyonit, u pa një karton i kuq të cilin Cresswell e mori në pjesës së parë kur rezultati ishte 0-0. Ndërsa në pjesën e dytë u panë dy gola. Në minutën e 52-të, Bowen kaloi vendasit në avantazh, ndërsa Lyon arriti të barazonte 1-1 në minutën e 66-të falë golit të Ndombele. Ndeshjet e dyta çerekfinale janë caktuar për të enjten e ardhshme.
Rezultatet dhe golashënuesit:
RB Leipzig – Atalanta 1: 1 (Zappacosta 58 ‘- Muriel 17’)
Braga – Rangers 1:0 (Ruiz 40′)
Eintracht 1-1 Barcelona (Knauff 48′ – Torres 66′)
West Ham – Lyon 1: 1 (Bowen 52 ‘- Ndombele 66’)