Flakët kanë pushtuar Europën teksa kontinenti I vjetër përballet me temperature përvëluese që kanë tejkaluar 40 gradë Celsius.
Situata dramatike paraqitet në Greqi, kryesisht në Akai, ku flakët janë përhapur në tre fronte. Autoritetet kanë mbyllur disa rrugë, mes tyre edhe rrugët nga Patras për në Pyrgos. Dhjetëra vatra të tjera zjarri janë active edhe në Kios, Arta e Prevezë, teksa situate kritike mbetet në ishullin e Zakynthos, ku flakët kanë dalë jashtë kontrollit sidomos në fshatin Agalas ku janë djegur edhe shtëpi.
Në Spanjë mbi 6 mijë qytetarë janë evakuuar nga shtëpitë e tyre në veri, qendër dhe jug të vendit, teksa termometri I ka kaluar 44 gradë Celsius.
Një burrë I moshuar humbi jetën pranë Madritit, kryqytetit Spanjoll pasi zjarri dogji shtëpinë e tij. Ministria e Brendshme në Spanjë ka shpallur Planin e Përgjithshëm të Emergjencës Shtetërore, teksa flakët kanë shkrumbuar mijëra hektarë tokë.
Në Itali beteja me flakët në Malin e Vezuvit vijon prej disa ditësh. Zjarri ka djegur pyjet dhe ka vrarë kafshë të egra, teksa tymi mund të shihej nga Pompei dhe nga Napoli. Ndërkohë alarmi I kuq I motit është lëshuar për 7 qytete të mëdha të vendit përfshirë Bolonjën dhe Fierencen.
Në provincën veriperëndimore të Turqisë, Cana- kale mbi 2 mijë persona u evakuan nga shtëpitë e tyre për shkak të zjarreve në pyje që u afruan drejt zonave të banuara. 77 persona u dërguan në spital për shkak të problemeve me rrugët e frymëmarrjes. Më shumë se 780 forca zjarrfikëse duke përfshirë edhe 10 aeroplanë, 9 helikoptere dhe 200 automjete zjarrfikëse janë në betejë me flakët. Autoritetet njoftuan këtë të martë se flakët janë vënë nën kontroll. Të dhënat e shërbimeve meterelogjike treguan këtë vit se Turqia përjetoi korrikun më të nxehtë në 55 vite.
Nga ana tjetër në jug të francës, pari thyerje të rekordit të temperaturave të verës në të paktën 4 stacione metereologjike ku termometri shënoi rreth 43 gradë celcius. Në Potogali në disa zona, temperaturat arritën deri në 44 gradë, teksa një pjesë e vendit përballet me zjarret.