Policia në të gjithë Evropën ka arrestuar mbi 130 persona të dyshuar për trafik të qenieve njerëzore.
Kështu ka njoftuar Europol, Agjencia e Bashkimit Evropian për Bashkëpunim në Zbatimin e Ligjit.
Në operacionin e përbashkët të javës së kaluar morën pjesë 22 vende dhe gjatë tij u identifikuan 130 viktima të mundshme të trafikimit të qenieve njerëzore, thuhet në njoftimin për shtyp.
Gjatë operacionit, i cili u koordinua nga agjencia evropiane e mbrojtjes së kufijve Frontex, pothuajse një milion njerëz dhe rreth 200 mijë automjete u kontrolluan në kufijtë tokësorë dhe detarë dhe në aeroporte.
Në këtë aksion gjithëpërfshirës, përveç 15 vendeve të Bashkimit Evropian, morën pjesë Bosnja dhe Hercegovina, Mali i Zi, Maqedonia e Veriut, Ukraina, Britania e Madhe dhe Lihtenshtajni.