FIFA ka falenderuar një sërë personalitetesh nga bota për evakuimin e emigrantëve nga Afganistani.
Kreu i FIFA, Gianni Infantino mes emrave që kanë kontribuar në këtë mision ka renditur edhe kryeministrin e Shqipërisë, Edi Rama.
Gjithçka lidhet me largimin e 57 emigrantëve, pjesë e një skuadre futbolli dhe basketbolli nga vendi afgan, teksa një ndihmesë e ka dhënë edhe Shqipëria.
“Ne do të donim të shprehim falenderimet tona të sinqerta si për Amirin e Katarit, Lartësinë e Tij Sheik Tamim bin Hamad Al Thani, ashtu edhe për Kryeministrin e Shqipërisë, Edi Rama, që na ndihmuan me këtë mision humanitar dhe për të gjithë ndihmën e tyre në zhvendosjen e sigurt të këtyre anëtarëve të komunitetit të futbollit në rrethana të tilla sfiduese”, shkruan Infantino.
Kujtojmë se, mbi 1 mijë shtetas afganë kanë ardhur në vendin tonë, duke u strehuar përkohësisht.