Ditën e sotme është finalizuar largimi nga Wuhan i studentes shqiptare Silvia Doçi e cila kishte mbetur e izoluar në qytetin që ishte dhe epiqendra e virusit “coronavirus”.
Të kontaktuar nga tirananews babai i vajzës tregon se janë në pritje të ardhjes së saj në Shqipëri.
Silvia ka kryer të gjitha kontrollet dhe fatmirësisht është jashtë çdo rreziku, por po mbahet në karantinë në Ankara, për arsye se çdo shtetas i cili largohet nga provinca Wuhan duhet të nënshtrohet një regjimi 14 ditor, e më pas mund të vijë lirisht në Shqipëri.
Ai shprehet se nuk dëshiron që të japë me tej detaje deri sa vajza të kthehet në shtëpi.
Mësohet se Silvia është me origjinë nga Mati por prej kohësh jetojnë në Tiranë.