Evi Kokalari nuk i ndal sulmet ndaj deputetit demokrat, Belind Këlliçi, i cili e ka paditur aktivisten për shpifje.
Në një intervistë dhënë në “News24”, Kokalari u shpreh se Këlliçi duhet larguar nga drejtimi i FRPD, pasi sipas saj nuk e plotëson me kriterin e moshës, ndërsa e quajti një “bisht të Lulzim Bashës”.
“Zoti Këlliçi nuk është forumi rinor. Ai nuk duhet të jetë kryetar. Është mbi moshë. Ka ardhur koha të mbahen zgjedhjet e reja që kryesia të zgjidhet me zgjedhje të lira. Më kanë thënë se kryesia e fundit është zgjedhur në bazë të klaneve të Belind Këlliçit. Ai ka mbushur 35 vjeç janarin e kaluar. Nuk kam dashur të flas para protestës. E ftoj në një emision që ta debatojmë problemin e votimit dhe manipulimit të votave. Ai ka luftuar dikë që i ka dhënë PD më shumë se ai. Interesi i vetëm që ai ka është që të bëhet kryetari i PD. Ai është thjesht bishti i Lulzim Bashës. Karrierën e tij e ka nisur në bashki me Lulzim Bashën. E ka udhëhequr FRPD si Basha në PD. Unë kam diskutuar me zotin Berisha. Unë çdo gjë që kam ditur ia kam thënë zotit Berisha. Nuk kam pasur asnjë interes te zoti Berisha. I kam thënë se nëse ky person ka bërë manipulime duhet të diskualifikohet. Belind Këlliçi donte që bëhej nënkryetar. Gjyqi i tij nuk ka sens. Ai ka marrë lekë nga një kompani në Durrësi që shiste banane dhe më pas u kap në drogë. Tani më thonë që nëse Berisha do humbte zgjedhjet lokale vitin e ardhshëm këta do i kërkonin që të jepte dorëheqjen”, tha ajo.