Disa prej bankave më të mëdha në vend janë vendosur nën hetim. Nga raporti I Autoritetit të Konkurrencës të depozituar në Kuvend, konstatohet se bankat ofrojnë për klientët një listë të kufizuar noterësh apo vlerësuesish të pasurisë, përqendrim në tregun e kredisë, kryesisht në produktin overdraft, komisione të larta për mbylljen e llogarisë dhe komisione në rast tërheqje CASH të paparalajmëruar dhe rritje tek komisionet për lëshimin e një vërtetimi të gjendjes së llogarisë, e cila është shumë më e lartë se vlera e publikuar në faqet zyrtare të bankës. “Mbi këto argumente, KK, me vendimin nr. 516, datë 22.05.2018, vendosi hapjen e procedurës së hetimit paraprak në sektorin bankar për Bankën Raiffeisen, Bankën Kombëtare Tregtare, Bankën Credins dhe Bankën Intesa SanPaolo. Tregu i ndërmjetësimit në sigurime nga bankat e nivelit të dytë Pranë AK, rregullatori i tregut financiar jo-bankar, AMF, depozitoi një informacion mbi sjelljen e bankave në rolin e ndërmjetësit në sigurime (broker), të cilat lidhen më shërbimin e sigurimit të jetës dhe pronës për klientët e bankës që janë kredimarrës. KK, me vendimin nr. 526, datë 14.06.2018, vendosi hapjen e procedurës së hetimit paraprak në tregun e ndërmjetësimit në sigurime nga bankat e nivelit të dytë”, thuhet në raport.
Më tej theksohet se gjatë vitit 2018 janë hapur dy hetime në tregun bankar përkatësisht: KK, me vendimin nr. 516, datë 22.05.2018, vendosi hapjen e procedurës së hetimit paraprak në sektorin bankar për Bankën Raiffeisen, Bankën Kombëtare Tregtare, Bankën Credins dhe Bankën Intesa SanPaolo, nëse ka elemente të shkeljeve të parashikuar në nenin 4 dhe 9 të ligjit në tregun e shërbimeve bankare. 31 KK, bazuar në ankesën e një prej shoqërive të sigurimit dhe informacionit të përcjellë nga AMF, me vendimin nr. 526, datë 14.06.2018, vendosi hapjen e procedures së hetimit paraprak në tregun e ndërmjetësimit në sigurime e jetës dhe jo jetës nga bankat e nivelit të dytë. Aktualisht procedurat hetimore të hapura me VKK e mësipërme janë në vijim. / tirananews.al
