Një ngjarje e rëndë ka ndodhur në Tropojë, ku një 80-vjeçar është gjetur i vdekur.
I moshuari ishte larguar nga shtëpia që ditën e djeshme dhe kishte dalë në bjeshkët e Pojanit, por nuk u rikthye më. Pas kontrolleve, 80-vjeçari është gjetur i pajetë, teksa në trup nuk i janë konstatuar shenja dhune dhe dyshohet se vdekja ka qenë natyrale.
Njoftimi i policisë:
Më datë 30.10.2023, në Komisariatin e Policisë Tropojë kanë njoftuar familjarët e shtetasit D. B., 80 vjeç, banues në fshatin Kojel, se ky shtetas kishte dalë në bjeshkët e Pojanit, që ditën e djeshme dhe nuk ishte kthyer më në banesë. Menjëherë, shërbimet e Policisë kanë nisur kontrollet, në bashkëpunim me banorët e zonës, për gjetjen e shtetasit D. B.
Gjatë kontrolleve, në bjeshkët e Pojanit, është gjetur trupi i pajetë i shtetasit D. B. Gjatë këqyrjes paraprake në trupin e këtij shtetasi nuk janë konstatuar shenja dhune.
Grupi hetimor vijon hetimet për sqarimin e rrethanave të këtij rasti dhe përcaktimin e shkakut të humbjes së jetës së shtetasit D. B.