Familja mbretërore britanike, përfshirë Dukën dhe Dukeshën e Kembrixhit, Princin George dhe Kate Middleton, u mblodhën në Kështjellën Windsor për festën e Pashkëve. Në këtë festë mungonte mbretëresha Elisabeth. Duka dhe Dukesha e Kembrixhit shoqëroheshin nga fëmijët e tyre.
Vetëm djali i tyre më i vogël, Princi Louis, 3 vjeç, nuk ishte i pranishëm pasi shumë anëtarë të familjes mbretërore lanë fëmijët e tyre më të vegjël në shtëpi. Princi Edward dhe gruaja e tij Sophie, kontesha e Wessex, ishin të pranishëm me fëmijët e tyre Lady Louise, 18 vjeç, dhe 14-vjeçarin James, Viscount Severn, 14 vjeç.
Princesha Eugenie ishte e shoqëruar nga kushëriri Peter Phillips dhe dy vajzat e tij Savannah, 11, dhe Isla 10, ndërsa vajza e Princeshës Margaret, Sarah Chatto ishte e pranishme, teksa iu bashkua edhe bashkëshorti i saj Daniel dhe djemtë e tyre Arthur dhe Samuel. Mbesa e mbretëreshës Zara dhe bashkëshorti i saj, Majk, morën pjesë me vajzën e tyre të madhe Mia.
Mbretëresha Elizabeth, e cila është në moshën 95 vjeçare është përballuar me koronavirusin dhe probleme të tjera shëndetësore dhe u pa për herë të fundit në publik në fund të muajit të kaluar në rastin e Falënderimeve për të përkujtuar bashkëshortin e saj të ndjerë Princin Philip. Princi Charles dhe gruaja e tij Camilla, Dukesha e Cornëall-it, shkuan në shtëpinë e mbretëreshës në shërbimin vjetor Mbretëror Maundy të enjten. Çifti festoi Pashkët në Skoci ashtu siç e kanë bërë tradicionalisht.