Mund të quhet ndarja e vitit përsa i përket showbiz-it shqiptar dhe divorci mes tyre do të komentohet gjatë. Por ja që fansat e Nora Istrefit dhe Robert Berishës nuk e kanë përjetuar mirë këtë lajm.
Madje ata arrijnë deri atje sa të organizojnë një protestë për ndarjen e tyre duke krijuar një event në Facebook. “Protestë kundër ndarjes së Robertit me Norën dhe probleme të tjera”, quhet eventi i cili do të organizohet nga data 31 gusht, deri më 3 shtator.
Lexo edhe- Roberti dhe Nora, një rrugëtim dashurie me anë të fotove
“Mjaft është mjaft! U ndanë Blero me Teutën, heshtëm. U ndanë 53 milionë për Bechtel Enken, heshtëm. U ndanë VV-ja, po ashtu heshtëm. Nuk mund ta përjetojmë edhe një tjetër ndarje.
Andaj, të dielën, mblidhemi tek sheshi i heroit kombëtar, Zahir Pajaziti, për ta thyer heshtjen, dhe për ti thënë JO NDARJES mes Robertit dhe Norës. Pos kësaj JO-je të MADHE për ndarjen, ti themi JO edhe shumë problemeve në Kosovë sikurse korrupsioni, zgjedhjeve si farse, e deri tek problemet si i nxehti afrikan etj etj.”- shkruhet në detajet e protestës.
Deri tani, 5 mijë persona kanë shfaqur interesim për këtë protestë.
Mos u habisni nëse ju vjen në Facebook një njoftim për t’u bashkuar në event. Gjithçka mund të ndodhë!