“Nuk e prisnim të fitonim një shumë kaq të madhe parash”, deklaruan këto punonjëse pasi grumbulluan paratë e tyre për të blerë një biletë llotarie, shkruan BBC.
Dhe javën e kaluar ato u befasuan kur morrën vesh se kishin arritur xhekpotin prej 1.2 milionë dollarësh.
Gratë, të cilat mbledhin mbeturina nga familjet në qytetin e Parappanangadi – zakonisht fitojnë rreth 250 rupi në ditë (3 dollarë).
Një nga fitueset, zonja Baby, humbi shtëpinë e saj nga përmbytjet shkatërruese në vitin 2018 dhe tani po planifikon të rindërtojë shtëpinë e saj dhe të paguajë borxhet e saj.
Por asnjë nga 11 gratë nuk ka ndërmend të lërë punën. Në të vërtetë, një ditë pas fitores së tyre, ata të gjithë u paraqitën si zakonisht në punë.
“Ne kemi vendosur për një gjë. Ne nuk do ta lëmë këtë punë sepse ishte ky kolektiv që na solli prosperitet”, thotë një fituese, znj. Leela.