“Mision kundër së keqes i ka cilësuar zgjedhjet lokale të së dielës”, tha kryetari i PR-së, Fatmir Mediu gjatë një bashkëbisedim me senatorë dhe kongresmenë amerikanë, Mediu tha se qytetarët duhet të ndalojnë shpopullimin e vendit duke votuar kundër PS.
Për Mediun, vota për PS është votë për rikthimin e sistemit komunist në Shqipëri. PR merr pjesë në zgjedhjet lokale vetëm me kandidatët për këshillat bashkiak, ndërsa për kryetar bashkie mbështet kandidatët e koalicionit “Bashkë Fitojmë”.
“Të mos pranojmë të rikthehemi në rrugën e errësirës, ku na u ndalua besimi, liria dhe e drejta. Të mos pranojmë që njerëz që kanë pushtet sot të sillen me ne dhe me taksat tona, sikur janë pronarë të asaj që ne paguajmë dhe asaj çka është jeta jonë. Prandaj le të bashkohemi ne që të gjithë, të shkelmojmë të keqen dhe të ligën, të tregojmë që dime dhe duhet të ndërtojmë. Le të bashkohemi ne me bindjen që atë që i ka falur Zoti këtij vendi, si asnjë vendi tjetër, ne duhet ta kthejmë në mundësi, oportunitet, për cdo shqiptar të lirë, për të ndërtuar Shqipërinë europiane dhe për të qenë shqiptarë europianë”, tha Mediu.