Sekretari për mediat në Partinë Socialiste Alfred Peza bëri të ditur se Fatos Nano, ish lideri i Partisë Socialiste ka pranuar ftesën për të marrë pjesë në kongresin e PS, më 23 mars.
I ftuar në A2 CNN, Peza tha se Nanos i është dërguar ftesa për të marrë pjesë në Kongresin që sipas tij është një kongres elektoral. “PS vazhdon axhendën politike të vendosur muaj më parë, pa ditur se çdo të ndodhte sot. PS do të shkojë në zgjedhje, me apo pa PD. Axhendën nuk e dikton dot asnjë nga partitë politike, por vullneti i popullit shqiptar. Strukturat e PS do të përfaqësojnë edhe nëse Dako apo Sejdini do të jenë sërish kandidatë për kryetarë bashki”, tha ai.
Ndërkohë, Peza shprehet se vendi nuk është në krizë politike, por sipas tij, por opozita po përpiqet të injektojë krizën e lidershipit të saj në sistem nëpërmjet daljes nga sistemi.