Fatos Nano ka përsëri probleme shëndetësore. Dy burime të pavarura nga njëri-tjetri i konfirmuan gazetarit të Top Channel Muhamed Veliu problemet e fundit të zotit Nano.
”Bëhet fjalë për një rrëshqitje dhe ka pësuar shëmbje koçkash. Asnjë me rëndësi apo kërcënuesë për shëndetin e tij”, tha një prej miqve të afërm të zotit Nano. Ndërsa një tjetër pas një kominikimi me familjen tha se “situata e tij shëndetësore është nën kontroll”.
Gushtin e vitit të shkuar ish-kryeministri u përball me një situatë të vështirë shëndetësore. Lideri historik i Partisë Socialiste iu nënshtrua një intubimi pasi atij i është rikthyer një problem kronik respirator që në gjuhën mjekësore, njihet me SPOK, sëmundje pulmonare obstruktive kronike.