Nxënësit e shkollës fillore mund të vaksinohen kundër COVID-19 deri në shtator Profesori, Anthony Fauci.
Në një intervistë epidemiologu i lartë tha se provat klinike janë duke u zhvilluar në SH.B.A. nga kompanitë farmaceutike Pfizer dhe Moderna për të testuar sigurinë dhe efektivitetin e vaksinave.
Më parë Fauci është shprehur se Administrata e Ushqimit dhe Barnave e SH.B.A.-së (FDA) mund të lejojë që fëmijët të vaksinohen “kur të arrijmë në fund të pranverës dhe në fillim të verës”.
Deri më tani, vaksinimet në nivelin kombëtar nuk përfshijnë fëmijë.
Bazuar në studimin fillestar të paraqitur nga gjiganti farmaceutik amerikan Pfizer, Administrata e Ushqimit dhe Barnave miratoi përdorimin e kësaj vaksine për njerëzit e moshës 16 vjeç e lart, ndërsa vaksina Moderna lejohet për njerëzit 18 vjeç e lart.
“Megjithatë tani jemi në proces të fillimit të provave klinike në atë që ne e quajmë shkallëzim të moshës, ku ju bëni një provë klinike tek njerëzit e moshës 16 deri në 12 vjeç, pastaj nga 12 deri në 9 vjeç dhe më pas nga 9 deri në 6 vjeç”, tha Fauci.
Në fillim të këtij viti, zyrtarët federalë inkurajuan familjet të merrnin pjesë në provat klinike të filluara nga farmacistët mbi të rinjtë. Provat do të fillojnë me adoleshentë dhe më pas do të zgjerohen për të përfshirë fëmijë më të vegjël.
Përfaqësuesit e të dy kompanive farmaceutike – Pfizer dhe Moderna – konfirmuan për rrjetin amerikan CBS Neës oraret e vlerësuara për testet e tyre tek adoleshentët.
Pfizer pret të dhëna për vaksinat për fëmijët e moshës 12 deri në 15 deri në fillim të vitit 2021, ndërsa Moderna thotë se të dhënat nga 12 në 17 do të jenë gati deri në mes të vitit 2021.
Sipas Akademisë Amerikane të Pediatrisë, më shumë se 2.9 milion raste të konfirmuara të COVID-19 janë raportuar tek fëmijët dhe të paktën 227 humbje jete.