Një test ‘skrining’ nuk ka lënduar kurrë askënd, veçanërisht kur bëhet fjalë për fëmijën tonë.
Pyes veten kur të vizitoni një okulist pediatrik? Përgjigja është në moshën 3-3 vjeç e gjysmë. Nga momenti i fillimit të shkollës rekomandohet që të bëhet një herë në vit ekzaminimi i syrit.
Megjithatë, nëse shihni se fëmija po përjeton shenjat e mëposhtme, do të ishte mirë ta bëni këtë vizitë menjëherë, pavarësisht nga mosha e fëmijës.
Shmang leximin
Nëse lodhet shumë lehtë kur lexon një libër shkollor apo letrar si dhe shmang aktivitetet që përfshijnë lexim, është tregues se mund të ketë problem me shikimin.
Shpesh hap dhe mbyll qepallat
Kur fëmija hap dhe mbyll sytë më shumë se normalisht mund të nënkuptojë se ai vuan nga blefariti ose tharja e syve ose një lloj alergjie.
Sytë e kuq
Kur pjesa e bardhë e syrit bëhet rozë ose e kuqe, ndoshta është për shkak të konjuktivitit.
Sytë që “largohen”
Nëse sytë e fëmijës nuk janë në linjë dhe shikojnë në drejtime të ndryshme, strabizmi është një shkak i mundshëm i problemit.
Shkon shumë afër televizorit
Ndaj nëse vëreni se i vogli juaj po i afrohet gjithnjë e më shumë ekranit për të parë programet e tij të preferuara, atëherë duhet të vizitoni okulistin pediatër.
Shpesh ankohet për dhimbje koke dhe marramendje
Dhimbjet e kokës ose marramendja mund të shoqërohen me një problem shikimi.