Mbase do të jetë 80-vjetori i Gigi Simoni-t, ish-trajnerit të tij te Inter, ose mbase fakti që si pronar i një skuadre, tashmë Ronaldo e sheh futbollin nga një tjetër perspektivë. Fakt është se ish-sulmuesi brazilian nuk arrin dot të harrojë atë përplasje mitike me Mark Iuliano-n që ka shënjuar historinë e futbollit Italian, përtej përballjeve direkte mes Juventus dhe Inter.
Prillin e vitit të kaluar, ai episode ka mbushur plot 20 vite, por vijon të torturojë kujtimet e ‘Fenomenit’, i cili është ripërballur me episode, por kësaj here duke folur në kuadër të VAR, i aplikuar në Itali në sezonin 2017-2018 ndërsa në La Liga, aty ku luan ekipi nën pronësinë e brazilianit, Valladolid po përdoret në këtë sezon.
“Në kohët e Interit pësova një konspiracion, që më shkatërroi. VAR ka si objektiv të ndihmojë, ndonëse nuk është ende perfekt. VAR nuk do të eliminojë tërësisht gabimin njerëzor, por duhet mbështetur, ndonëse dyshimet mbeten”, deklaroi Ronaldo gjatë një takimi me Carlos Clos, ish-arbitër, tashmë përgjegjës për VAR në Spanjë.