Ambasadori i Shqipërisë ende në detyrë në OKB, Ferit Hoxha pritet të drejtojë misionin tonë diplomatik në vendet e Bashkimit Evropian. Hoxha pritet të jetë edhe rezident dhe Ambasador i Jashtëzakonshëm dhe Fuqiplotë i Republikës së Shqipërisë në Mbretërinë e Belgjikës rezident, si dhe Ambasador i Jashtëzakonshëm dhe Fuqiplotë i Republikës së Shqipërisë në Dukatin e Madh të Luksemburgut, jo rezident.
Suela Janina do të jetë kandidate për Ambasadore e Jashtëzakonshëm dhe Fuqiplotë e Republikës së Shqipërisë, pranë Organizatës së Kombeve të Bashkuara në Nju Jork, rezident dhe Ambasador i Jashtëzakonshëm dhe Fuqiplotë i Republikës së Shqipërisë, në Republikën e Kubës, jo rezident.
Iliria Kuka është kandidat për Ambasador i Jashtëzakonshëm dhe Fuqiplotë i Republikës së Shqipërisë, në Republikën e Hungarisë.
Emrat e diplomatëve të rinj pritet të dekretohen nga Presidenti, ndërsa ata raportojnë edhe në Komisionin e Jashtëm Parlamentar.