Për hedhjen e prodhimeve nga fermerët shqiptarë, kryeministri Edi Rama e ktheu përgjegjësinë tek vetë ata, duke thënë se duhet të mësojnë nga të tjerët që kanë mësuar të fitojnë akoma më shumë me rritjen e çmimeve.
“Ajo që bën diferencën me vullnetit për punë dhe djersës së derdhur është dija që lidhet me informacionin. Këtu patjetër i takon qeverisë të bëjë edhe më shumë. Për të komunikuar për të shpjeguar, për të njoftuar por i takon edhe vetë fermerëve të bëjnë edhe më shumë. Dalin në televizor pamjet e disa fermerëve që hedhin qershitë se nuk i sheshin dot dhe bërtasin për qeverinë se nuk i ndihmon. Kjo do ishte shqetësuese nëse kjo do të ndodhte me qershinë e Shqipërisë, por ka të tjerë që bëjnë sukses. Bëjnë më shumë sukses pikërisht si rezultat i rritjes së çmimeve. Cili është dallimi mes të parëve dhe të dytëve. Krizën nuk e kemi krijuar ne dhe as nuk e ndalojmë dot ne. Flitet për një dimër të vështirë përpara për mungesa të mëdha. Me rritjen e çmimeve të naftës dhe energjisë”, tha Rama.
Për të dhënë këshilla për fermerët, kryeministri Edi Rama mori shembullin e Izraelit, i cili sipas tij riciklon ujërat e zeza për vaditje edhe pse nuk ka ujë nga natyra.