Kreu i Partisë së Lirisë, Ilir Meta ka deklaruar se qeveria nuk jep mbështetje për fermerët dhe se atë mbështetje që jep, është klienteliste, duke përmendur rastin e inceneratorëve.
Gjatë një takimi me fermerë në Roskovec, Meta tha se këto janë pasoja të Ballkanit të Hapur, ndërsa shtoi se mesazhi që ka për qytetarët është “qëndresë dhe rezistencë”.
Meta tha se shumë shpejt do të ketë ndryshime dhe se bujqësia do të jetë prioritet.
“Këto janë pasojat e Ballkanit të Hapur që nxit qëllimisht Edi Rama. Jemi në një situatë krejtësisht të pafavorshme sepse jemi vendi ku qeveria mbështet ë pak ose s’e mbështet fare bujqësinë, sepse dhe në një mbështetje që jepet është e karakterit klientelist, siç janë ato të inceneratorëve që marrin fondet që duhet ti marrin fermerët, ku përfshihet dhe AZHBR, ne e dimë çfarë po vuan bujqësia, dhe kjo është e qëllimshme.
Po kthehet gjithçka në një fasoneri, vjen qumështi nga jashtë dhe këtu vetëm paketohet. Mesazhi im është qëndresë dhe rezistencë. Shumë shpejt do të ketë ndryshime, bujqësia do të jetë prioritet.
Vjeshta do të jetë shumë ripërtëritësë për demokracinë dhe llogaridhënien. Është një situatë që do të sjellë një situatë të jashtëzakonshëm dhe të shpejt, atë që ndryshim që është kërkuar prej kohësh, por që në mënyrë korruptive është parandaluar. Tani nuk ka më asgjë që e ndal këtë ndryshim të Shqipërisë nga kjo rrokullisja në humnerë
Për një shtet që vazhdon paguan çdo ditë për një aferë skandaloze si ajo e inceneratorëve, persona që janë në kërkim, si mund të them që një shtet i tillë ekziston, por tashmë populli po ngrihet, duke u ngritur populli do ngrihet edhe shteti”, përfundoi ai.