Festa e vëllazërimit ka bërë sërish bashkë banorët e fshatit Guri I Bardhë në Mat. Kjo festë është burim i emigrantëve shqiptarë, të cilët vijnë nga të gjitha anët e botës për të mos harruar njëri-tjetrin.
Kontribuuesit kryesorë të festës janë djemtë dhe vajzat e Gurit të Bardhë, të cilët vijojnë prej vitesh këtë traditë. Si çdo vit, edhe këtë herë festa nisi me një valle tradicionale dhe zgjati deri në orët e pasdites.
Festa e vëllazërimit lindi si ide e bashkëfshatarëve të emigruar në të gjitha anët e botës për t’u njohur me brezat e rinj dhe për të mbajtur lidhjet me njëri-tjetrin.
Kjo festë organizohet nga banorët nuk synon vetëm ruajtjen e marrëdhënieve njerëzore, por edhe të traditave e kulturës mjaft të pasur, që mbart kjo zonë.
Edhe pse ka 15 vite që kanë kaluar nga organizimi i parë i kësaj feste, rruga që të shpie në këtë zonë vijon të jetë një problem shqetësues.