Greqia ka marrë masa të reja anti-COVID , gjatë festave të fund viti, për të parandaluar përhapjen e koronavirusit. Masat e reja kufizuese u njoftuan nga zëdhënësi i qeverisë, Stelios Petsas, i cili tha se nuk do të lejohet lëvizja e askujt nga ora 22:00 deri në orën 05:00.
Grekët do të festojnë Vitin e Ri me deri në nëntë persona nga dy familje në tavolinë dhe Krishtlindjet po ashtu.
“Për prag të Krishtlindjeve dhe prag të Vitit të Ri, ne i rekomandojmë të gjithëve që këto festa të mos jenë rast për të përkeqësuar situatën.
Në çdo rast, nuk lejohet të mblidhen në shtëpi më shumë se 9 persona nga dy familje, ndërsa ndalimi i qarkullimit do të zbatohet nga ora 10 deri në 5 të mëngjesit “, tha Stelios Petsas.
Në lidhje me hapjen e shkollave, ai tha se shkollat do të hapen me 7 janar ashtu siç është vendosur në fillim.
Po ashtu, Petsas bëri me dije se vendi do të nisë vaksinimin kundër COVID në janar të 2020.
Masat e marra vijnë me qëllimin për të mbajtur nën kontroll pandeminë në Greqi, pasi vendi ka shënuar një rritje të konsiderueshme të rasteve të reja me COVID-19.