Komiteti Ekzekutiv i Federatës së Futbollit të Kosovës (FFK), në mbledhjen e tij të së premtes, ka vendosur që ndeshja e Superkupës së Kosovës do të zhvillohet në Antalia të Turqisë.
Për këtë trofe, të dytin për nga rëndësia në futbollin kosovar, do të përballet Ballkani, si kampion i Kosovës dhe skuadra e Llapit, si fituese e Kupës së Kosovës. Kjo ndeshje do të luhet më datën 21 janar. Pas sezonit të kaluar, kjo është hera e dytë që Superkupa e Kosovës zhvillohet në Antalia të Turqisë.