Në Baltëz të Fierit, disa persona të paidentifikuar kanë hyrë për të vjedhur në banesën e 54-vjeçarit S. B., ndaj të cilit kanë ushtuar dhunë fizike dhe nuk kanë vjedhur asgjë.
Për shkak të lëndimeve, 54-vjeçari po merr asistencë mjekësore, në spital dhe është jashtë rrezikut për jetën.
“Në orët e para të mëngjesit të sotëm, në fshatin Baltëz, shtetas ende të paidentifikuar kanë hyrë për të vjedhur në banesën e shtetasit S. B., 54 vjeç, ku kanë ushtruar dhunë ndaj 54-vjeçarit dhe nuk kanë vjedhur asgjë. Për shkak të dëmtimeve, shtetasi S. B. po merr asistencë mjekësore, në spital, dhe është jashtë rrezikut për jetën. Në vijim të veprimeve hetimore dhe procedurale për rastin, janë shoqëruar në Komisariatin e Policisë Fier, disa shtetas që po merren në pyetje, me qëllim zbardhjen e ngjarjes”, njofton policia.