Policia e Fierit vuri në pranga një 24 vjeçar, i cili dyshohet se aksidentoi për vdekje Arif Xhafën. Pas një pune hetimore intensive nga Specialistët e Qarkullimit Rrugor dhe Specialistët për Hetimin e Krimeve, u bë e mundur kapja dhe ndalimi i shtetasit A.B, 24 vjeç, banues në Pojan.
Sipas njoftimit të policisë, shtetasi A.B, duke drejtuar automjetin tip “Volkswagen” në aksin rrugor Fier-Dërmënas, dyshohet se ka aksidentuar shtetasin A.Xh dhe më pas është larguar nga vendngjarja. Materialet do i kalojnë Prokurorisë pranë Gjykatës së Shkallës së Parë Fier për veprime të mëtejshme proceduriale.