Përfaqësues dhe simpatizantë të PD-së në Fier janë mbledhur përpara Prefekturës duke protestuar dhe bllokuar rrugën për automjetet.
Kreu i PD-së në fier, Luan Baçi tha se protesta ishte e paprogramuar, por janë mbledhur vetë qytetarët.
“Ishte jashtë axhendës, pati shumë qytetarë që u afruan. Ishte e pa projektuar për tu bërë një proteste. Dëshira e këtyre është që të dalin çdo ditë”, tha Baçi.
Kandidatët, të cilët kanë pranuar që të marrin mandatin nga lista e PD, Baçi i quajti njerëz të pafytyrë dhe paintegritet.
“Këta individë të pafytyrë janë planprishës dhe nuk i prish punë PD lista e deputetëve të individëve të veçantë pa integritet që pranojnë të marrin mandatit”, tha kreu i PD në Fier./Oranews/