Në Kongresin e FIFA-s në Doha është votuar edhe sa i përket përjashtimit të tri Kombëtareve. Pakistani, Zimbabet dhe Kenia janë përjashtuar nga FIFA, pasi Qeveritë e këtyre vendeve kanë emëruar vetë një Komitet për drejtimin e Federatës së Futbollit.
Por vendimi i sotëm i FIFA-s a duhet të shërbejë si këmbanë alarmi për Shqipërinë? Muajin e fundit kemi dëgjuar shpesh nga media dhe portale pranë FSHF-së se Shqipëria mund të dënohet nga FIFA.
Arsyeja është ajo që ndodhi me zgjedhjet të fundit të FSHF-së ku pati një ndërhyrje të fortë të politikës, edhe pse Duka fitoi me rezultat të thellë, çështja ka përfunduar në gjykata.