Me pjesëmarrjen në “Big Brother Vip Albania”, ajo tregoi një anë që publiku nuk e dinte. U shfaq në 24 orë, siç është në jetën e përditshme. Këngëtarja Filloreta Raçi, e njohur si Fifi ka publikuar në rrjete sociale disa foto duke buzëqeshur, teksa ka treguar se pas saj fshihen shumë plagë. Ajo ka shtuar se në jetën e saj ka pasur shumë thika, shumë bërryla e padrejtësi.
“Pas kësaj buzëqeshje ka shumë plagë që jam munduar me vite t’i shëroj. Pas kësaj buzëqeshje ka shumë dështime… Pas Fifit që e shihni ju është një fëmijë i vogël që nuk kishte dhe u deformuar duke punuar për të bërë e për të arritur diçka në jetë. Pas çdo shpërthimi emocional që kam pasur, diçka keni parë e diçka nuk keni për ta parë kurrë, ka shumë thika e ka shumë padrejtësi. Si njeri që jam me të meta, me budallallëqe, me të mira e të këqija, JAM NJERI!”, shkruan këngëtarja.