Fifi do të bëhet nënë për herë të parë. Lajmin e shtatzënisë këngëtarja e dha gjatë Festivalit të Këngës.
Së fundmi këngëtarja ka ndarë një foto të ekos, ku duket këmba e fëmijës së saj.
“Këmba jote e vogël, engjëlli im i vogël. Ta honksha këmbën si të babait”, shkruan Fifi krahas imazhit.
Ky do të jetë fëmija i dytë për Adis Patushin, pasi ai ka një djalë, Troin, me modelen Adrola Dushi.
“Jam njeriu më i lumtur në botë. Unë po pres një fëmijë! Kënaqësia më e madhe se nuk kam kënduar vetë, kam kënduar me fëmijën tim brenda. Zoti i bekoftë të gjitha mamatë. Jam duke rritur diçka shumë të shenjtë brenda meje, që është më e rëndësishme se çdo gjë tjetër”, tha këngëtarja në skenën e Festivalit të Këngës kur konfirmoi lajmin më herët.