Një finale që nuk pritej teorikisht. Dy skuadrat më pak të favorizuara thyejnë parashikimet dhe shkojnë në finale e Kupës së Shqipërisë. Janë Vllaznia dhe Skënderbeu që kualifikohen pasi dolën triumfues në duelet direkte me eliminim ndaj Laçit dhe Teutës, me këto të dyja që ishin ekipet e favorizuara për t’u kualifikuar.
Finalja e madhe e Kupës së Shqipërisë për edicionin 2020/21 do të luhet mes “Vllaznisë” dhe “Skënderbeut” dhe do të jetë e dyta në historinë e këtij kompeticioni, ndërsa është parashikuar që të zhvillohet më 30 maj.
Hera e parë kur këto ekipe janë përballur me njëra-tjetrën ka qenë në vitin 1965, ndeshje e fituar nga “Vllaznia”, me rezultatin 1-0.