Financimet e fushatës elektorale për zgjedhjet e ardhshme nuk do të bëhen vetëm nga partitë politike, por edhe nga kandidatët për kryetar bashkie.
Në një deklaratë për mediat, kreu i KQZ-së Klement Zguri tha se institucioni që drejton po adreson rekomandimet e OSBE/ODIHR brenda hapësirave të vet dhe kompetencave që njeh ligji, edhe pse reforma zgjedhore nuk ka përfunduar.
“Në zgjedhjet e ardhshme vendore nuk do raportojnë vetëm partitë politike për financat e fushatës po dhe kandidatët për kryetar bashkie,. Kjo do të thotë më shumë transparencë, më pak informalitet dhe ndershmëri në konkurim”, tha Zguri.
Ai shtoi se këto sot ka një kuadër më të plotësuar ligjor për transparencën financiare të partive politike teksa pret më shumë përgjegjshmëri të partive politike.