Ditën e sotme, më 3 mars, është zhvilluar një tryezë për të diskutuar mbi projektligjin për financimin e partive politike.
Në këtë mbledhje foli edhe Michel Tarran, kreu i Prezencës së OSBE-së në Shqipëri, i cili tha se është thelbësore të sigurohet përparim i prekshëm në përputhje me kuadrin ligjor.
“Financimi i partive politike përbën një komponent kyç, për konkurencën e ndershme si dhe për forcimin e besimit të publikut në institucione demokratike”, tha ai.
Më tej Tarran shtoi se një kuadër ligjor i përmirësuar dhe diskutimet rreth tij duhet të udhëhiqen nga disa parime themelore.
Katër parimet:
–Transparenca, deklarimi i plotë i financimeve.
–Barazia. Zbatimi i barabartë i rregullave nga të gjithë aktorët politikë.
–Zbatimi. Institucionet duhet të kenë jo vetëm një mandat të qartë por dhe burime të qarta financimi.
–Sanksionet. Vendosja e sanksioneve profesionale dhe efektive për të dekurajuar mosrespektimin e ligjit.
Ambasadori tha se këto parime janë të lidhura edhe me gjetjet dhe raportet e fundit të OSBE/ODIHR.
“Kjo më çon në një tjetër element të rëndësishëm, raporti i OSBE/ODIHR për zgjedhjet parlamentare, të vitit 2025 si dhe të parë, evidentojnë një sërë fushash ku rekomandohet rishikimi i kuadrit ligjor. Ka një rol kyç në ndërmarrjen e një reforme zgjedhore. Në këtë kuadër, prezenca e OSBE-së rithekson angazhimin e saj për të mbështetur punën e komisionit tuaj, nëpërmjet ekspertizës. Mbështesim dhe në ndërmjetësimin e dialogut ndërmjet palëve, sepse dialogu mes palëve është thelbësor dhe shton pjesëmarrjen e votuesve në zgjedhje”, tha Tarran, i cili shtoi më tej se konsultimi i sotëm dëshmon vlerën e dialogut gjithpërfshirës.
“Koha është vendimtare”, shtoi diplomati.