Prokurori i Përmetit, Asllan Bajrami është kërcënuar në krye të detyrës së tij. Behet e ditur se në dritaren e zyrës së prokurorit është gjetur një fishek i cili duket se është vendosur në shenjë mesazhi.
Prokurori ka depozituar një kallëzim ndërsa janë nisur hetimet e menjëhershme për ngjarjen e ndodhur. Mësohet se gjatë ditëve të fundit, prokurori, ka marrë edhe thirrje në celular nga numra privatë. Po zhvillohen hetime edhe për këto telefonata që ai ka marrë.