Shkëndija e Tetovës ka nsiur që sot arratinë në kreun e renditjes së kampionatit në Maqedoninë e Veriut. Ekipi i drejtuar nga Ernest Gjoka ka mundur me shifrat 3-1 Pelisterin, edhe pse e ka parë veten në ndjekje pas pak minutash lojë.
Tanushev shënoi me penallti që në minutën e 5 të sfidës, por Ahmedi arriti të barazonte shifrat para fundit të pjesës së pare të ndeshjes. Në të dytën, Doriev kaloi në avantazh Shkëndijën, ndërsa rezultatin përfundimtar e vulosi Ibraimi me penalltinë e minutës së 86.
Kjo fitore ngjit Shkëndijën në kuotën e 17 pikëve, me një diferencë prej 4 pikësh ndaj Shkupit ndjekës që u ndal sot nga Struga me shifrat 2-0. Protagonist absolut i ndeshjes ishte Nijas Lena, i cili shënoi të dy golat ndaj shkupjanëve, për të siguruar tre pikë të vlefshme ekipit të tij, si edhe duke mundësuar arratinë e Shkëndijës në kreun e klasifikimit që pas pak javësh