Kati i tetë i një pallati është përfshirë nga flakët në rrugën “Reshit Petrela”, në afërsi të Ish-Stacionit të Trenit.
Ngjarja ka ndodhur këtë të martë dhe sipas Policisë zjarri ka rënë rreth orës 16:10, ndërkohë që po merren masa për evakuimin e banorëve. Nga të dhënat e para mësohet se ka vetëm dëme materiale. Grupi hetimor ndodhet në vendngjarje dhe punon për përcaktimin e shkakut të rënies së zjarrit.
”Më datë 21.01.2025, rreth orës 16:10, në rrugën “Reshit Petrela”, në afërsi të Ish-Stacionit të Trenit, ka rënë zjarr në katin e 8-të të një pallati. Shërbimet zjarrfikës ndodhen në vendngjarje dhe po punojnë për fikjen e zjarrit. Shërbimet e Policisë po marrim masa për evakuimin e banorëve. Paraprakisht, ka vetëm dëme materiale. Grupi hetimor ndodhet në vendngjarje dhe punon për përcaktimin e shkakut të rënies së zjarrit”.