Tre persona kanë humbur jetën dhe më shumë se 30 të tjerë kanë mbetur të plagosur, pas zjarrit që përfshiu një spital në qytetin gjerman të Hamburgut.
Sipas asaj që raportojnë mediat e huaja tre viktimat ishin të moshës 84, 85 dhe 87 vjeç, teksa një person tjetër është në gjendje të rëndë shëndetësore.
Flakët nisën nga reparti i personave të moshuar në katin përdhes të ndërtesës, por u përhapën më pas me shpejtësi deri në katin e 4 të saj.
Rreth 220 zjarrfikës u angazhuan për të shuar flakët dhe evakuuar pacientët. Pas zjarrit në spital, policia ka arrestuar një pacient të dyshuar.