Roberto Dominguez ka qenë e papritura e madhe e Partizanit në ditën e fundit të merkatos së futbollistëve. Mbrojtësi i përfaqësueses së Salvadorit, ka nënshkruar me të kuqtë për 6 muajt e ardhshëm, me shpresën që të sigurojë qëndrimin e mëtejshëm në këtë ekip dhe siç tregon ai vetë, për të realizuar një objektiv të rëndësishëm si pjesëmarrja në një turne ndërkombëtar europian.
Dominguez vjen nga radhët e Bolivar, ku është përfaqësuar pozitivisht dhe shkroi historinë, duke u bërë lojtari i parë nga Salvadori që shënonte në fazën finale në Kupën Libertadores. Tani, ai dëshiron që të përsëritë veten edhe në Kupat e Europës, siç tregoi në një intervistë para nisjes drejt Tiranës.
“Besoj se kam bërë një punë të mirë te Bolivar dhe mendoj se kjo me ka ndihmuar që të kem këtë mundësi. Jam i lumtur për mundësinë që m’u dha për të shkuar në Shqipëri. Ka shumë njerëz që janë të lumtur për këtë lajm, sidomos familja ime”, tha lojtari i cili shpjegoi se si kishte lindur marrëvehja me të kuqtë
“Gjithçka ndodhi shumë shpejt. Selvin (përfaqësuesi i lojtarit), ishte në kontakte me një menaxher atje, u koordinuan, arritën një akord me klubin dhe falë Zotit sot udhëtoj për atje.
Mendoj se kemi një objektiv të bukur. Nuk përfaqësoj vetëm Roberto Dominguez, por të gjithë Salvadorin. Mendoj se kjo e vendos para një përgjegjësie të madhe një futbollist, dëshira për të përfaqësuar mirë vendin tënd dhe të mund të luajmë aktivitete të reja për ne si popull. Unë arrita të thyej një rekord dhe tani shpresoj që të kualifikohem në një aktivitet euriopian shumë më të rëndësishëm”, tha futbollsiti në fjalët e tij.