Flija e Kukësit është një tjetër produkt autokton shqiptar që është regjistruar si “Specialitet Tradicional i Garantuar” (STG). Regjistrimi i flisë së Kukësit si markë e mbrojtur erdhi pasi kaloi testet e verifikimit të përputhshmërisë për treguesit gjeografikë, emërtimin e origjinës dhe traditës, për të marrë kështu logon kombëtare dhe prezantimin në treg si “Specialitet Tradicional i Garantuar”.
Kryeministri Edi Rama teksa ka postuar fotot në Facebook, thekson se ”kjo ngjarje shënon hapin e parë drejt regjistrimit të flisë si pjesë e trashëgimisë sonë kulinare, duke ruajtur recetën autentike”. Promovimi dhe certifikimi i produkteve autentike shqiptare është një hap i rëndësishëm drejt zhvillimit të turizmit rural në Shqipëri.
Ministria e Bujqësisë dhe Zhvillimit Rural ka certifikuar deri tani me emërtim “Specialitet Tradicional i Garantuar” 4 produkte tipike: Djathi i Ziem, Veleçik, Shkodër; Mjalti i Bedunicës, Përmet; Djathi i Dhisë, Bjeshkët e Runjës, si dhe djathin e Mishavinës të Kelmendit, që i japin vlerë të shtuar traditës së trojeve tona nga veriu në jug të Shqipërisë.